影片
更多
2021-06-23
459 瀏覽
.📍勝麵📍 #饅頭去旺角 #饅頭食台灣菜 手抓餅以前係小編最愛嘅下午茶之選😆，今次係小編第一次試加甜食嘅手抓餅，味覺上都幾新鮮。------------------------------流心麻糬芋泥雞蛋手工手抓餅 ($42)手抓餅皮薄薄哋，裏面附上咗一隻煎蛋🥚，所以會同時食到蛋香同麵筋香，呢點值得加分👍🏻；外面煎到金黃微微焦脆，但外酥內軟嘅層次唔明顯。內餡方面就有好粘糯嘅麻糬😍，份量多到小編咬一啖另一邊就漏餡，食嗰陣要小心唔好黐到手指。麻糬本身除咗糯米香之外就冇咩味道，同微甜嘅芋泥互相平衡，芋泥原材料味道突出👅，但小編覺得唔夠滑，食到有少少硬硬地嘅顆粒，而且應該加得唔夠多奶，感覺少咗陣香味👀。整體嚟講，我覺得路過可以一試，但再訪機會不大。------------------------------整體評分：7.1/10小編回頭率：6/10
📍勝麵📍 #饅頭去旺角 #饅頭食台灣菜
手抓餅以前係小編最愛嘅下午茶之選😆，今次係小編第一次試加甜食嘅手抓餅，味覺上都幾新鮮。
------------------------------
流心麻糬芋泥雞蛋手工手抓餅 ($42)
手抓餅皮薄薄哋，裏面附上咗一隻煎蛋🥚，所以會同時食到蛋香同麵筋香，呢點值得加分👍🏻；外面煎到金黃微微焦脆，但外酥內軟嘅層次唔明顯。
內餡方面就有好粘糯嘅麻糬😍，份量多到小編咬一啖另一邊就漏餡，食嗰陣要小心唔好黐到手指。麻糬本身除咗糯米香之外就冇咩味道，同微甜嘅芋泥互相平衡，芋泥原材料味道突出👅，但小編覺得唔夠滑，食到有少少硬硬地嘅顆粒，而且應該加得唔夠多奶，感覺少咗陣香味👀。
整體嚟講，我覺得路過可以一試，但再訪機會不大。
------------------------------
整體評分：7.1/10
小編回頭率：6/10
流心麻糬芋泥雞蛋手工手抓餅
$42
28 瀏覽
0 讚好
0 留言
張貼
