小王牛肉麵 (已結業)

慕名而來小王牛肉麵，皆因知道佢係台灣過江龍又有米芝蓮推介。裝修有格調，座位唔算寬敞，不過枱同枱之間唔迫，麵店嚟講算幾舒適。 印象中無論在台北抑或台中食牛肉麵，湯底都係又濃又香辣。呢度既牛肉麵湯底竟然唔算辣仲要有藥材味，台南風味定自家特色？麵條夠Q，但牛肉似乎唔太入味。 炸排骨同炸雞扒略帶椒鹽辣味，夠脆夠香口，算是不俗。 雞蛋布丁，一啖食得晒，冇蛋味得加落去嘅糖漿味。 冬瓜茶，甜味蓋過本身味道。 唔算差但其實只係一般貨色，以份量嚟講價錢亦唔平，名大於實定係嚟到香港變咗質？