家正料 (已結業)

九龍城廣場斜對面，中面對福佬村道。

門面就是這個模樣，門外有餸菜相片介紹，睇相好平凡的家庭小菜，入佢食又驚喜，煮好送出來的餸菜模樣是一樣的，味道仲好味，用料都好正。（新鮮，有佢自己獨特調味味道）好食。　食得出有良心及用心烹調食物的一間食肆

舖裡雖然細，但坐得也舒服，不會被人撞到，招呼殷勸，最重要光線充足，冷氣夠及乾淨衛生。

有杏仁，豬肺，瘦肉及雞腳（用料充足），味道香濃且滑，好味兼潤肺

配料略多，但聖子炒得熟道恰當，唔會烹得太過火而韌，還保持食材鮮甜美道

清酒配白汁原來這樣匹配，這樣調味令花蛤且滑而鮮甜，還有底部有自制麵條（佬闆解說）（值得一試）

超正。　新鮮即炸，超熱（小心燙口）好脆口，內面剛剛熟，好滑好鮮甜（喜歡食蠔朋友，一定要試）（推介）

估佢唔到這個醬汁竟然控制得咁好，起初諗會否好酸或好甜，廚師控制得好好，唔會太酸，唔會太甜，味道一流還可以食到肉味。一問之下，原來廚師用佐新鮮士多啤梨作汁液，酸道令肉類唔會韌（係一種自然鬆肉法）。真的是一間良心食肆，佢哋注重色香味美外，還注重食客健康，不採用味精，用料及烹調手法要天然

炸過京蔥好香，與我同行既朋友唔食蔥，佢竟然食，還要說好香脆口既蔥。雞皮炸得好香脆（店主說：雞連香蔥一齊食係最夾同好味）我睇到隻雞咁廋又炸過會韌，估佢唔到唔韌，還是好味。（值得一試）

這個餸菜，睇落好平凡，食落就唔平凡，小朋友會喜歡，因為煎米餅好香脆，唔掂上湯汁都已經有味（好似食薯片）掂佐上湯又是另一種食法，上清用足，味道清甜配米粉就似上湯浸炒米粉（口感：脆中有汁唔會太乾，都適合唔喜歡食乾身食物人仕，但有想食少許香口野朋友仔）。

這間食肆，招呼好，菜式有佢自己風味，用料，調味到用汁都好清新，無味精不口喝，食得出佢哋採用新鮮蔬菜鮮果做醬汁材料，不會太甜也不會太酸味道非常恰當，海鮮好新鮮，所以非常甜美配埋調過味既醬汁非常清滑鮮甜。炸蠔，炸雞及煎米餅好脆口，控制火喉適中，熟度不會過火，烹調後，食物原材料可以保留到原有味道，不會用醬料掩蓋原味，一食就知佢用料新鮮，杏汁豬肺湯好香濃有杏仁味超潤喉肺飲佐好舒服（還燉到奶白色），這樣食材，用料，用心，殷勸都算合理價錢，值得食。（最好訂位及訂想食菜單）