影片
更多
2009-09-26
5 瀏覽
最近旺角開始變左台式街, 度度都賣珍珠奶茶、 麵線、 衣家就綿綿冰, 眼花瞭亂,自己就會諗, 香港的地道小食真係咁不濟? 本人於附近工作, 成日行過附近, 一直好唔明點解咁夜都咁多人去糖百府排隊, 呢日女友話好想食喎, 咁我就順下佢意陪下佢食啦, (其實為食的我早已蠢蠢欲動了...嘻嘻)咁岩早日亞蘇上電視介紹呢度, 講到咁巴閉, 我同女友就冒住生命危險去馬了~點解咁講, 因為門口放幾張櫈仔比等候的顧客坐住等, 我同女友坐低冇耐, 就覺得唔對路, 越黎越多人企係度圍住, 焗到無哂空氣, 幾乎無氣抖, 女友仲暈暈地,最後我地寧願企都唔坐了 ... 等左成45分鐘, 終於入到去, 我地拿拿林叫左一個蕃石榴冰、一個綠茶冰, 室內感覺唔錯, 有掛畫, 幾靚, 但覺得冷氣唔多夠囉, 搞到個冰溶得好快!! 石榴冰好fresh, 又唔太甜, 大啖d食, 果種冰涼透心的痛快感覺實非筆墨所能形容! 綠茶冰就好重茶香, 平時對錄茶一般既我, 都覺得呢個冰好食, 鍾意錄茶的人更要一嚐了!老實講, 味道係ok, 但口感只係一般, 缺了種層次, 比佢好食的, 係有既!價錢算合理, Size都夠大, 另加的
自己就會諗, 香港的地道小食真係咁不濟?
本人於附近工作, 成日行過附近, 一直好唔明點解咁夜都咁多人去糖百府排隊,
呢日女友話好想食喎, 咁我就順下佢意陪下佢食啦,
(其實為食的我早已蠢蠢欲動了...嘻嘻)
咁岩早日亞蘇上電視介紹呢度, 講到咁巴閉, 我同女友就冒住生命危險去馬了~
點解咁講, 因為門口放幾張櫈仔比等候的顧客坐住等, 我同女友坐低冇耐, 就覺
得唔對路, 越黎越多人企係度圍住, 焗到無哂空氣, 幾乎無氣抖, 女友仲暈暈地,
最後我地寧願企都唔坐了 ...
等左成45分鐘, 終於入到去, 我地拿拿林叫左一個蕃石榴冰、一個綠茶冰, 室內
感覺唔錯, 有掛畫, 幾靚, 但覺得冷氣唔多夠囉, 搞到個冰溶得好快!!
石榴冰好fresh, 又唔太甜, 大啖d食, 果種冰涼透心的痛快感覺實非筆墨所能形容!
綠茶冰就好重茶香, 平時對錄茶一般既我, 都覺得呢個冰好食, 鍾意錄茶的人更要一嚐了!
老實講, 味道係ok, 但口感只係一般, 缺了種層次, 比佢好食的, 係有既!
價錢算合理, Size都夠大, 另加的丸子、豆等, 總覺得跟冰格格不入, 個人認為簡單一個冰就是美了,
未試過的, 可以一試, (+ _ +)
無咩人排, 都可再試, (^ _ ^)
十九人排, 你慢慢試~ (~ _ ~)
張貼
