佳佳甜品

營業中

休息中

經朋友介紹先知原來佐敦有間咁岀名嘅中式糖水鋪，嗰時8點左右，行到門口已經有人排隊，條隊睇落都幾長，前面有十幾個人左右，不過都好快可以入鋪頭！入到去見到牆身上掛左啲米之蓮嘅證書，先知呢間野唔野少！入到去個姐姐安排左我都坐之後，就好樂意介紹啲唔同款式嘅糖水俾我地，係姐姐熱情嘅推介後我叫左碗芋茸蓮子西米露呢碗西米露同個名一樣好香芋泥味同椰汁味，最重要唔係太甜，姐姐果然冇介紹錯！之後又叫左碗合桃露！呢碗合桃露嗅落都好香合桃味，食落就唔洗講，好好味！絕對唔係面時係岀面食到嗰啲稀稀地用粉沖嗰啲！每碗都係廿幾蚊絕對底食不過人流太多，如果想同朋友坐耐多陣吹下水就冇咩可能