影片
更多
2018-07-02
200 瀏覽
琴日咁岩出銅鑼灣，咁就順便去試下老虎堂既黑糖鮮奶。去果時咁岩落雨，不過唔影響排隊既人潮。排左一陣就停雨，條隊更加長。排隊既時間唔算好長，可能係因為好受歡迎所以多人。等候期間見到好多人買左等野飲，以為係好似天X茗茶同一X咁「慢」工出細貨啦。睇真啲，原來係個個都五、六杯咁買，最誇張見到有個人一次過買左九杯！（可能係附近番工）落單過程迅速，不過就無講大概預幾耐（可能店員都唔敢肯定）。落單既員工會主動詢問客人需唔需要膠袋，分開裝定一齊裝（好貼心❤️）。雖然無荃灣既良X吉時沖得咁快，但見到個個都買咁多，都體諒員工可能真係沖唔切。黑糖鮮奶（波霸），$30飲品size係中杯，相比起其他店既野飲算貴。店員提醒記得搖十五下（搖匀）先好飲，飲之前梗係影張相打卡先啦。老虎堂出名既就係手炒黑糖＋係杯邊整出虎紋圖案。虎紋圖案影相打卡一流；手炒黑糖香濃，甜而不膩。鮮奶明顯飲得出奶味（好多舖頭都加左水，飲唔出奶味），波霸珍珠煮得夠諗夠入味（本人唔太鍾意食珍珠，因太煙軔好難𡁻）。杯野買完行到Ikea已經飲哂（可能因為太好飲啦），如果賣番平少少可能會吸引更加多人。唔知老虎堂遲啲會唔會係九龍或者新界開分店呢！
去果時咁岩落雨，不過唔影響排隊既人潮。排左一陣就停雨，條隊更加長。排隊既時間唔算好長，可能係因為好受歡迎所以多人。
等候期間見到好多人買左等野飲，以為係好似天X茗茶同一X咁「慢」工出細貨啦。睇真啲，原來係個個都五、六杯咁買，最誇張見到有個人一次過買左九杯！（可能係附近番工）
落單過程迅速，不過就無講大概預幾耐（可能店員都唔敢肯定）。落單既員工會主動詢問客人需唔需要膠袋，分開裝定一齊裝（好貼心❤️）。雖然無荃灣既良X吉時沖得咁快，但見到個個都買咁多，都體諒員工可能真係沖唔切。
黑糖鮮奶（波霸）
$30
38 瀏覽
0 讚好
0 留言
黑糖鮮奶（波霸），$30
飲品size係中杯，相比起其他店既野飲算貴。店員提醒記得搖十五下（搖匀）先好飲，飲之前梗係影張相打卡先啦。
老虎堂出名既就係手炒黑糖＋係杯邊整出虎紋圖案。虎紋圖案影相打卡一流；手炒黑糖香濃，甜而不膩。鮮奶明顯飲得出奶味（好多舖頭都加左水，飲唔出奶味），波霸珍珠煮得夠諗夠入味（本人唔太鍾意食珍珠，因太煙軔好難𡁻）。
杯野買完行到Ikea已經飲哂（可能因為太好飲啦），如果賣番平少少可能會吸引更加多人。唔知老虎堂遲啲會唔會係九龍或者新界開分店呢！
張貼
