去到鋪面好細,可以坐到廿人左右,
得我一個,哈哈,不過都唔怕,照試!!
見到有個叫高原龍爪菜,唔知係乜,試下,仲叫左個木耳
個底$15,每個配料$3,冇飲野,食中辣(中庸之道也:])
等左一陣,聞到好香麻味(花椒味),已經流晒口水
佢一上黎,D配料好豐富,佔左半碗,有酸菜,莞茜,蔥,芽菜,同辣肉醬
高原龍爪菜好爽呀!下次一定會再叫!木耳都好正!
中辣對於我黎講,唔係太辣,但係呢種麻辣麻起上黎夠正宗,食完真係個嘴麻麻地!
佢D米線煮得岩岩好,食到最後都唔會林晒,好彈牙!
另外,佢有涼伴菜食,都係$10一碟,不過唔知份量係點,下次會試!
雖然過左咁耐先打呢篇野,不過過左咁耐諗起都流晒口水,想食多幾次!!!下次會食薯粉~
