MIX (已結業)

雞博士唔知係邊度見到太子有一間食完隻烤雞嘅舖頭帶咗我去🤣 叫咗一隻雞，另外店員都極力推薦我地試德國豬手😹-🐷招牌燒德國大豬手 ($188)🐥露絲香草烤春雞 ($98)-我覺得最好味就係呢個德國大豬手，燒到個皮好香好脆，仲要係比較薄身既脆，所以食落都好正，唔會似岀面有啲豬手皮咁硬🤣 個皮整得好脆但入面啲肉仲可以保持嫩滑😍 食落一啲都唔乾，好快就已經俾我哋食晒🤤另外介紹埋呢個燒春雞，佢係有三隻味可以揀，因為想食到雞嘅鮮味，所以我哋揀咗一隻冇咁濃味嘅露絲香草烤春雞。烤雞都幾大隻，上枱係超級香，撕啲雞肉岀黎食仲冒緊煙，熱辣辣完全唔鞋，好抵食☺️