佳記甜品

營業中

休息中

同男朋友去完元朗大球場睇波之後，覺得點都要去食下傳說中嘅B仔，於是就叫左個蜜瓜哈蜜瓜西瓜涼粉，仲要配花奶，天氣熱熱地，消暑一流！我地仲叫左西米露，B仔雞翼尖，魚蛋！超正呀個雞翼尖煮到勁腍勁入味，辣辣地愈食愈想食！魚蛋係偏細粒果種，勝在冇乜粉，全部都係魚肉所以好彈牙。魚蛋同雞翼尖嘅辣汁好過癮，辣辣下又會好想食糖水解辣！不過座位就又有啲迫嘅，要好快食完，同埋可能太多客所以比較難嗌侍應姐姐落單。好彩嘅係唔使等位就可以入去食！