影片
更多
2021-01-08
174 瀏覽
幾年前已經聽過Y Show Tasty個名，當時間餐廳係一位香港足球員同佢經理人一齊開，上年轉咗手，仲變埋黃店！轉手前食過一次覺得唔錯，試吓轉咗手又係咪仲係咁正先😬😋 招牌香烤乳豬 $268呢個乳豬真係不得了咁好食，轉手前已經係呢度嘅招牌菜，但以前就切晒件咁上，轉手後改咗做原隻上，咁樣仲正😝 一刀一刀切落去加埋啲脆皮被切開好清脆嘅聲，搞到我更加期待擺入口嘅一刻🤩 皮脆肉超嫩，有啲脂肪連結住層皮同啲肉，仲有超多超多肉汁！😋 香煎海鱸魚配黑松露忌廉汁 $238呢碟有薯蓉同兩件香煎海鱸魚，薯蓉份量較少，而且又係用黑松露呢啲百搭方法去煮，食落無乜特別，唔值呢個價錢。😋 龍蝦蟹肉長通粉 $188好大隻龍蝦擺喺面，幾個人share食嘅話有種唔知點入手嘅感覺🤣 龍蝦算幾新鮮，但下面嘅長通粉質素就麻麻，硬身咗啲同無乜彈性，仲要唔掛汁。Feel到廚師喺龍蝦同醬汁上都好有心機，但個長通粉就扣咗唔少分。😋 黑松露野菌意大利飯 $108又係黑松露！最弊係黑松露味唔夠濃，似係一個普通野菌意大利飯上面加少少黑松露，本身expect個汁都係濃濃黑松露味。😋 黑松露薯條 $58又又又係黑松露！黑松露味唔太濃，仲要落得
😋 招牌香烤乳豬 $268
呢個乳豬真係不得了咁好食，轉手前已經係呢度嘅招牌菜，但以前就切晒件咁上，轉手後改咗做原隻上，咁樣仲正😝 一刀一刀切落去加埋啲脆皮被切開好清脆嘅聲，搞到我更加期待擺入口嘅一刻🤩 皮脆肉超嫩，有啲脂肪連結住層皮同啲肉，仲有超多超多肉汁！
😋 香煎海鱸魚配黑松露忌廉汁 $238
呢碟有薯蓉同兩件香煎海鱸魚，薯蓉份量較少，而且又係用黑松露呢啲百搭方法去煮，食落無乜特別，唔值呢個價錢。
😋 龍蝦蟹肉長通粉 $188
好大隻龍蝦擺喺面，幾個人share食嘅話有種唔知點入手嘅感覺🤣 龍蝦算幾新鮮，但下面嘅長通粉質素就麻麻，硬身咗啲同無乜彈性，仲要唔掛汁。Feel到廚師喺龍蝦同醬汁上都好有心機，但個長通粉就扣咗唔少分。
😋 黑松露野菌意大利飯 $108
又係黑松露！最弊係黑松露味唔夠濃，似係一個普通野菌意大利飯上面加少少黑松露，本身expect個汁都係濃濃黑松露味。
😋 黑松露薯條 $58
又又又係黑松露！黑松露味唔太濃，仲要落得好唔平均。薯條塊皮好厚，又唔脆，皮薄啲同入面多返啲薯仔會好啲。
總括嚟講，菜式選擇比較少，同一種動物嘅肉各自得一種烹調方法，而如果想食risotto嘅話都焗住只可以揀黑松露嗰個🤯 5樣嘢入面有3樣都係同黑松露有關，唔明點解喺一份唔多選擇嘅menu上面都有3樣黑松露。而且每碟嘅份量都幾少，只係香烤乳豬個質素可以match返個價錢，如果嚟食一人一份乳豬唔叫其他嘢試都可以嘅🙈 本來味道想畀1粒星但香烤乳豬值得救返1粒星～
張貼
