KC Cafe (已結業)

門面完全唔似cafe,係門口望極都係護膚品,但望地址又無錯呀,行入D睇下先,原來真係cafe,只係有埋護膚品買。地方大,但座位就唔多,景觀開揚,還有海景。今日人客唔多,我拎哂所有熊大陪我食下午茶,超開心,不停影下相先揀下食咩餐先芝士四重奏墨汁意大利包,見到都覺得超邪惡,個包焗到好脆,超多芝士,實在太吸引,肥都要食呀。gimbap就好普通,無特別食完都幾辣睇飲品先揀左杯顏色好靚嘅檸檬特飲,飲得出有檸檬,但溝左D咩就飲唔出。另一杯紫薯拿鐵就好香紫薯味總括地方舒服,食物好味。但冷氣就大左D越坐越凍。