潮丸 (已結業)

尖沙咀行街，行到攰又餓，見到一間食潮州牛腩粉面店，好似幾好味，跟朋入去試試。牛腩跟鹵水都招牌菜，我就點碗牛三鮮，有牛腩，牛肚，牛筋河，一碗招牌卤水拼盤，一碟菜心加咸檸蘇打🤤朋友就叫碗潮州魚三寶，米線，有魚丸旦，魚片頭，魚皮餃追加特級牛丸。生菜及咸檸雪碧先來鹵水拼盤，猪手跟大腸炆到好入味，但又唔會炆林姐姐，口感好正，豆腐、猪腩肉吸曬鹵水汁，真好味。牛三寶，份量都幾多，牛腩帶點肥，好香油香味，好正 ，湯底牛骨味濃，加上芫茜，好食朋友的魚三寶都好多，魚旦彈牙，最緊要唔腥，特级牛肉丸，勁爽 ，多汁 ，唔係粉做，有正宗汕頭牛肉丸一樣味道，正🤤最好菜心 、生菜蠔油分開上，可以自己加，唔怕太咸。飲品都做得好 ，凍飲冰夠多 ，加入汽水，超爽呀！😍