神戶屋日韓放題

營業中

休息中

之前經過兆萬發現有依間放題，價錢好似都唔貴，所以今次係好機會試一下！依到款式都幾多選擇，刺身、壽司、炸物、燒物、熱食和甜品應有盡有。招牌蒜蓉燒扇貝估唔到啲扇貝都幾大隻，都幾新鮮。而且有粉絲，粉絲吸晒嗰蒜蓉既味道，好好味，但就乾身左少少。韓風炒魷魚鬚好惹味，魷魚好彈牙，而且配埋d洋蔥、韓式醬汁好好味，一啲違和感都冇，依碟我地encore左一次。😋三文魚刺身雖然唔算好厚，但都好新鮮，冇筋，紋理分明，其他刺身都唔錯，特別嘅喺依到有提供海膽，好鮮甜。韓國薯絲蝦好特別，我都係第一次食。薯絲同蝦出奇地夾，夾埋有雙重口感，沙律醬係錦上添花。而蝦唔霉，都幾爽口香脆，連蝦尾我都食埋。吉列帶子炸到金黃色，帶子啖啖肉，冇仼何既調味都好味👍🏻炸雞軟骨好味😋炸粉唔太厚，雞軟骨爽口唔油膩，推薦！！！吉列鱈魚手指又係炸到金黃色，配埋個醬味道不錯。韓國芝士雞肉串唔厚粉，雞力咸度岩岩好，芝士味都幾濃。韓國春川炒辣雞都幾濃味，夠辣，味道就普普通通。