Odelice! (蘭杜街)

今日過灣仔搵個朋友食個晚餐，金鐘Pacific Place嗰邊出，灣仔方向，皇后大道東附近杜蘭街《Odelice》，之前喺將軍澳同尖沙咀都食過，今次呢間裝修都一樣風格，以藍色為主打，好多年輕人喜歡喺呢度聚一聚，開懷大食暢飲一番。法國生牛肉他他~分量都唔細，生牛肉顏色鮮嫩可愛，雖然感覺好野人feel，食落無筋好鮮甜。炆羊膝薯仔粉~賣相好吸引，上枱有驚喜，羊膝炆得好淋好入味，薯仔粉煙韌可口，掛滿汁，越食越好味。香煎三文魚~皮香肉脆，師傅煎得好好，三文魚魚脂豐富，健康有益。火焰橙酒可麗餅~記得攞定手機，橙酒點著火，淋上面，雪糕配可麗餅，這甜品為這頓晚餐畫上完美的句號。熱情果芒果特飲及紅粉菲菲~賣相好可愛，熱情果好清新。