影片
更多
2018-02-10
44 瀏覽
同朋友係IG見到粗口手工啤，於是就約埋一齊去試下，點知原來係之前食過的串酒里，果然搞搞新意思又再次吸引到我去食。上次食串酒里的時候，已經覺得呢間餐廳做得唔錯，主打串燒又好味的唔多，能夠保持質素就更少，個人認為呢間串酒里同埋尖沙咀I Square附近有間叫肚餓了都係比較出色，而呢兩間都係我間中會帶朋友去食的串燒店。全晚整體而言，推薦的菜式包括：釀魷魚、黃金薯條、烤鰻魚、烤豆卜、烤牛舌、大蘑菇。當然，其他叫左的食物都無中伏，所以基本上都係滿意，除左以上幾樣個人推薦之外，其他串燒都值得一點，尤其係4位朋友同行，就可以叫多少少款式，每人每樣都有得試下。釀魷魚：呢樣係驚喜之作，上枱個時見到已經嚇一嚇，因為係原隻魷魚咁上，而且睇落非常漲卜卜，加上有D木魚絲飛下飛下，畫面睇落的確幾吸引。魷魚入面釀左好多飯，唔係普通白飯，而係有味的飯，吸收左魷魚的鮮味，仲有魷魚本身爽脆，兩者加埋令人忍唔住不停食，最後仲要再叫多隻先夠。黃金薯條：見到隔離枱叫左一盤，係扭扭薯條咁樣，所以就跟住其他人都叫一份，黎到先知「黃金」並唔係炸到金黃色的意思，而係薯條外層用鹹蛋黃炒過，平均地沾上鹹蛋黃，令到一盤薯條加分，一邊飲住啤酒
全晚整體而言，推薦的菜式包括：釀魷魚、黃金薯條、烤鰻魚、烤豆卜、烤牛舌、大蘑菇。當然，其他叫左的食物都無中伏，所以基本上都係滿意，除左以上幾樣個人推薦之外，其他串燒都值得一點，尤其係4位朋友同行，就可以叫多少少款式，每人每樣都有得試下。
釀魷魚：呢樣係驚喜之作，上枱個時見到已經嚇一嚇，因為係原隻魷魚咁上，而且睇落非常漲卜卜，加上有D木魚絲飛下飛下，畫面睇落的確幾吸引。魷魚入面釀左好多飯，唔係普通白飯，而係有味的飯，吸收左魷魚的鮮味，仲有魷魚本身爽脆，兩者加埋令人忍唔住不停食，最後仲要再叫多隻先夠。
黃金薯條：見到隔離枱叫左一盤，係扭扭薯條咁樣，所以就跟住其他人都叫一份，黎到先知「黃金」並唔係炸到金黃色的意思，而係薯條外層用鹹蛋黃炒過，平均地沾上鹹蛋黃，令到一盤薯條加分，一邊飲住啤酒一邊食鹹蛋黃薯條，呢個組合無得頂。
烤鰻魚：份量十足的烤鰻魚，一送到黎就已經見到鰻魚非常厚身，果然入口啖啖肉，唔太覺得有明顯的魚骨，味道唔會太鹹太甜，連平時唔食鰻魚的朋友都話覺得唔錯，如果加個白飯底應該可以出去開鰻魚飯店。
烤豆卜：唔好以為無咩特別，一開頭我地都覺得豆卜唔值錢，點解會賣到比想像貴，後尾一食就知呢道係功夫菜，師傅好有心機慢慢烤，豆卜先可以做到外層唔會燒焦，咬落入面係熱辣辣軟綿綿，似外脆內軟的口感。
烤牛舌：見到隔離叫左碟牛舌，所以又八八卦卦咁去叫碟虐下，每粒都大大粒，唔係薄切個皇，所以入口口感豐富，啖啖肉。牛舌唔會烤到太乾，食落仲會有Juicy的感覺，但唔係血腥個種，而且唔會烤到咬唔郁，有嚼勁之餘都仲保持到牛舌應有的口感。
大蘑菇：呢個就真係其貌不揚，送到的時候大家都覺得賣相唔太靚仔，上面一層白色下面一層深啡色咁，不過切開的時候先發現大蘑菇本身非常清新，味道濃郁，而且烤完都仲有好好好多汁，加上芝士醬汁點綴，意外地受到大家歡迎，最後都有再叫多一份Share。
張貼
