A Tavola Bar & Grill (已結業)

約左朋友一齊星期六去chill下，特登搵左間近海邊既bar，位置係將軍澳海旁，地鐵站行過黎都係10分鐘左右。今次特地兩個人嗌左一個小食，兩個主食，兩杯野飲同埋一個甜品，都係500蚊左右。小食方面我地嗌左客洋蔥圈，個洋蔥圈炸得勁香😊😊，同平時食開既洋蔥圈好唔同，呢到既洋蔥圈好大舊，而且唔似平時出面啲洋蔥圈咁薄，係真係厚厚既一個洋蔥圈，炸粉一啲都唔厚，好有咬口！勁推薦呢個小食！☺☺之後我地仲嗌左個烤豬柳同意式千層闊條麵，份量麵勁大份，我地兩個女仔最後食唔哂。烤豬柳好入味，仲有香香既燒烤味。😃😃意式千層闊條麵軟軟地，加上上面有層勁邪惡既芝士，好味過我之前食過既千層麵。野飲方面，我地兩個都嗌左杯菠蘿汁，比較偏酸，所以都幾開胃。最後甜品我地一齊share左個Tiramisu，勁滿足呀！飽到食完之後要去行下海旁散下步、消化下。