彩福皇宴 (已結業)

近排比較忙，終於有時間陪到屋企人飲餐茶，知道彩福2013-2017年連續五年榮獲點心大獎，我同老婆當然要黎試下啦。【旋風黃金流沙包】呢個包既外型都真係好特別，用左黑色扭紋來圍住個包，入面就係奶皇涵，內裡奶皇非常之流心仲非常之熱，差點辣親個咀。【龍皇野菌腸】初時以為只是普通的腸粉，但原來它有點像炸兩，但又沒有炸兩般熱氣，外層有腸粉包住，內裏有鬆軟的炸兩以及野菌，吃起來的口感很特別，這種配搭令各種食物變得異常美味，十分值得一試。【鮮茄濃湯蝦球烏冬煲】原來都幾大煲，烏冬用左日本讚岐烏冬，所以特別軟滑，湯底又非常濃郁又不會過鹹，蝦球又夠大隻又夠爽口。想食清D既人岩哂。【海螺片雞札】鷄扎裡面既海螺片都幾爽滑彈牙，魚肚炆得好腍好入味，鷄肉嘅肉質相當嫩滑！【鮮蝦菜苗餃】三角形的鮮蝦菜苗餃，蝦肉同蔬菜饀料非常清爽！【千島沙律蝦多士】估唔到這裡都有蝦多士食，上面有d千島醬，蝦肉彈牙，炸得非常香口。