真係好彩，打一打電話問下，原來佢開夜晚6-10:00，只開4個鐘咋
仲要星期日休息添，很少店會開得咁少鐘，不過同朋友都夾到時間黎食，搵左一陣路都搵到，但入去之前有少少卻步，見間舖原來好細，得幾個吧枱坐位，都一場黎到就入去試試，唔使問我一定要試下呢個藍鰭吞拿魚丼啦，我朋友試最平既北海丼，等左一陣好快就上菜啦！賣相超吸引，我唔客氣啦！
傑他他嘰媽
哇！？中拖羅食落去超肥美，d魚油香味係我個口不斷徘徊，好味到難以形容，再一口壽司飯，好味呀，點解連飯都咁好食既，簡直同之前去日本食既一模一樣，估唔到香港都會食到
食到大拖羅，食口都係魚油，一定要用飯黎餸，真的肥到不行不行
我朋友都讚不絕口，巨大既帶子第一次見，蟹肉蟹膏平時比較少食，蟹膏非常之香，同蟹肉食好夾，其他材料都非常新鮮，
真不枉我住深水埗都特意搭車過黎食，一定會有下次
