阿爺粥品手工涮涮鍋 (已結業)

第一次食完咁想寫評語。。。見到fb page介紹，search下openrice又咁多好評，唸住吾差得去邊，但事實有啲出入。價值系套餐價+醬料$18（用吾用都要俾）再加一，夾埋都吾系平。海鮮份量吾多，又吾算大隻，最重要系冇乜鮮甜味，好似吾太新鮮 (利申食過其他間既粥底火鍋啲海鮮大隻又識跳，食落真系鮮甜既，難免有啲比較)，其他配料so far so good啦，其中象拔x食得出系冰鮮貨，但未免冇味得太明顯了吧。最後食粥，確實系似粥水多過粥，好水好水。。最後埋單要我地提先做返9點後每人減$20個優惠俾我地，第一次只減左一人，要我地當面系佢面前計多次，佢先發現自己計錯，應該系total減二人。。做野好似有啲求其。但服務態度系ok既，主動收碟換碟，態度友善。總結就吾會再幫襯啦，因為呢個價錢確實有更多好選擇。