Délifrance (希爾頓中心)

好耐冇食過啦！以前返工附近有呢間餐廳，所以成日都去食！
假期周圍都排滿晒人，呢間仲有位就食呢間啦！而且有BB櫈提供！
今次餐湯係羅宋湯，酸酸甜甜好開胃！

焗野菌汁雞扒飯
份量適中，焗到好香，有少少飯焦～
雞肉好入味，野菌汁好香濃～伴飯食唔錯！

另外加咗個芝士焗薯蓉！芝士好香喔配埋薯仔食好好食！個法包係配餐湯嘅！外脆內軟～

最後叫多咗個草莓撻！草莓好酸，但係我小朋友好鍾意食，個餅底唔錯，好香脆～加埋吉士忌廉食好鬼正！