金記冰室 (置富南區廣場) (已結業)

今日同寶寶，嚟到薄扶林置富花園呢邊探朋友，同佢哋食個港式Tea先，鍾意呢度款式夠多，緊有一款啱佢哋口味。我哋叫咗三款茶餐，✨煎蛋午餐肉公仔麵～午餐肉厚身，約1至1.5cm厚，用上福字麵，感覺夠晒懷舊😚✨星洲炒米～材料豐富，咖喱醬炒得夠均勻，而且唔會太乾，濕潤度啱啱好，令人驚喜係裏面嘅蝦粒都算大隻兼爽口，值得一讚。✨肉醬意粉～呢度嘅肉醬錄得好大方，每啖意粉都沾上肉醬，好入味。茶餐份量唔算好大碟，相對價錢亦都會較晚餐平啲，而且包一杯飲品，性價比係確係高嘅！