龍皇酒家 (開源道) (已結業)

諗返呢間野就真係一肚氣。話說同客食飯訂呢間，打去訂位時waiter強調唔可以只叫點心，要主要叫餸；既然同客食飯當然會叫餸所以無所謂，但係覺得奇怪，呢間酒樓lunch唔可以只叫點心飲茶？當日訂左12：45，我12：30去到攞位，點知佢話而家無位要等，等到12：45客人到都未比到枱我，我問個知客話我一早打電話訂12：45，仲同佢表明係同客食飯，客人都到左，佢話無枱都無辦法，結果一直追，去到1：15先有枱比我地（其間見到幟哥帶住白色框眼鏡行入間酒樓），由於個客趕住2：00走，係等既時候一早點好菜。平心而論食物係唔錯，但係訂左枱都可以無枱比人，我唔會再呢間食，起碼同客食飯一定唔會去！