星願 居酒屋 (已結業)

今日同一班大學同學聚會，其中一位同學特意推薦左間環境闊落又好食既居酒屋。我哋今次就趁着人多，將菜單上所有壽司，串燒，熟食基本上都點曬😂我都係第一次遇到成張枱都係滿滿嘅食物，真係差少少就放唔曬，真係有種食自助餐嘅感覺。件件串燒都好大件，望到已經流晒口水😚燒鹿兒島牛真係好嫩，雞軟骨都非常脆身，金菇肥牛好讚👍 燒冬菇，翠玉瓜都好好食！調味料真係剛剛好，完全唔會蓋過本身既味道！燒生蠔都好正，燒得剛剛好，好多汁！ 鵝肝壽司無得頂👍 滿滿油脂味再配埋蔥花同飯，真係食多幾舊都唔會膩😍 魚生壽司件件都好大塊又厚身，啖啖魚味，好滿足😚