影片
更多
2019-05-22
785 瀏覽
星期日帶媽媽去西貢食飯補祝母親節。叫左呢度既中價位「雲」Omakase（$800/位）。黎到第一時間就飲翻倍日本神山水開開胃。呢種水有豐富礦物質，味道同普通水真係有啲分別架。呢度用壓縮毛巾，侍應係我地面前用水壺一倒啲水落去就脹起，即刻用得。仲幫我地鋪餐巾。前菜三點好有心思用木盒裝住，侍應提我地要影相因為有煙霧效果咁特別！原來啲煙係點起櫻花木做出黎既。錄片一流！前菜分別有鰻魚包住娃娃菜、胡麻豆腐上面伴有蟹子同少少芥末、仲有一條條既馬蹄。唔好睇鰻魚細細件，原來都幾厚肉而且好有魚味！暖暖地同菜卷埋一齊個口感變得好豐富！另外兩道前菜都係涼菜，清爽開胃，準備好迎接美好既一餐。刺身兩點刺身分別有來自北海道既生蠔同生蝦。生蠔鮮甜唔腥，配上醬汁一啖滑入口，爽！生蝦超大隻，點啲刺身豉油同芥末醬，咬一啖已經感覺到蝦肉好彈牙，係非常新鮮既！一樣無腥味，唔係普通貨色！燒物係一整條魚！呢條魚叫喜知次，係日本三大名魚之一，因為係一條BB，所以叫豆喜知次。整呢味好有心機，廚師由我地坐低無耐開始用鹽燒方法起碼燒左半個鐘有多！上碟時真係幾壯觀！食落個皮脆脆地，仲保存到魚肉既鮮味。煮物子持魷魚子持係懷孕既意思，所以條魷魚
黎到第一時間就飲翻倍日本神山水開開胃。呢種水有豐富礦物質，味道同普通水真係有啲分別架。
呢度用壓縮毛巾，侍應係我地面前用水壺一倒啲水落去就脹起，即刻用得。
仲幫我地鋪餐巾。
前菜三點
好有心思用木盒裝住，侍應提我地要影相因為有煙霧效果咁特別！原來啲煙係點起櫻花木做出黎既。錄片一流！
前菜分別有鰻魚包住娃娃菜、胡麻豆腐上面伴有蟹子同少少芥末、仲有一條條既馬蹄。
唔好睇鰻魚細細件，原來都幾厚肉而且好有魚味！暖暖地同菜卷埋一齊個口感變得好豐富！
另外兩道前菜都係涼菜，清爽開胃，準備好迎接美好既一餐。
刺身兩點
刺身分別有來自北海道既生蠔同生蝦。
生蠔鮮甜唔腥，配上醬汁一啖滑入口，爽！
生蝦超大隻，點啲刺身豉油同芥末醬，咬一啖已經感覺到蝦肉好彈牙，係非常新鮮既！一樣無腥味，唔係普通貨色！
燒物
係一整條魚！呢條魚叫喜知次，係日本三大名魚之一，因為係一條BB，所以叫豆喜知次。整呢味好有心機，廚師由我地坐低無耐開始用鹽燒方法起碼燒左半個鐘有多！上碟時真係幾壯觀！食落個皮脆脆地，仲保存到魚肉既鮮味。
煮物
子持魷魚
子持係懷孕既意思，所以條魷魚比正常漲，原來入面有啲好似橡皮糖既野。哇，咬落去咁似食緊軟糖，加上魷魚既汁，好正！
A4和牛生海苔稻庭烏冬
廚師問我地牛肉煮半熟好唔好，梗係好啦！果然，牛肉出黎效果係係入口即溶！果然係和牛，好耐無食過咁好食既牛喇！烏冬都係彈牙有咬口，份量亦算多。
甜品
係廚師手製既tiramisu雪糕，仲有奈良士多啤梨、藍莓、仲有馬卡龍! 雪糕非常creamy，一啖雪糕一啖水果簡直係呢餐完美既終結。
好滿足的一餐！有機會再黎品嚐午餐或下午茶！
張貼
