日牛涮涮鍋專門店 (已結業)

而家放假就約人周圍食，今日約咗個中學同學，之前話同仔試過牛涮鍋都幾抵食，喺打邊爐型式一人一鍋，先叫主食豬，牛，雞或海鮮，每款價錢唔同，價錢貴啲肉就多啲，除主肉外，出面自由取菜，丸同飲品，今次就專登出坑口一試，同學訂咗12點枱話唔洗等，上次同仔等咗45分鐘，所以今次試早啲同訂枱，我哋去到真係好快就入到去，因為大家都唔想食太多肉，叫咗一個牛拼豬同一個雞，飲品就只喺茶包同汽水機的凍飲，如果想飲其它可以加錢，還有軟雪糕，入坐後90分鐘，時間感覺有啲趕，平時飲茶或食buffet, 時間長啲食得輕鬆的唔洗急，今次同學話食咗先傾，咁大家各自攞咗出面啲嘢同飲品，雖然好趕但都可以，特別喺我哋唔食太多肉，出面菜的款式都多，每人都唔洗80所以都幾好，下次可以再去