隠家拉麵工場 (已結業)

個個都話舖頭好隱蔽，其實舖頭真係好隱蔽。今日叫咗隱世黑伝，加叉燒兩枚再加日本溫泉蛋。其實佢個麵本身已經有兩嚿叉燒同一隻溫泉蛋，大家加嘅時候要注意食量！上到嚟個賣相都okay，一個沾麵嘅湯加上一碗面。個麵嘅份量都幾充足，都夠一個成年男人食嘅～黑伝，即係黑蒜油味。佢個湯頭幾厚幾濃嘅，將麵點落去都掛到上啲麵度。味道方面都有黑蒜味，本人就再落埋佢隔離啲炸蒜，真係好食㗎～不過湯太鹹，我覺得可以調整吓。咬開隻蛋，佢係流心嘅，完全冇問題，而且都幾入味。係好食㗎。佢啲叉燒有煎（可能係用火槍燒？）過，增添咗啲香氣，而且佢有肥瘦均勻，食落唔會乾。我食完所有嘢之後，都未覺得會太口乾，但都有少少口乾，可能同佢鹹有關。anyway，唔算太驚艷，但起碼係好食。