影片
更多
2017-01-04
984 瀏覽
遲來的生日飯，一早約左日子但一直唔揀下揀定餐廳，臨到依食飯前一日先拍板，一係隔離果間，一係呢間，因為都一齊食過隔離果間，就試呢間啦!其實覺得佢地是同一老細，啲食物和格局一樣咁滯叫左豬肋骨、咖哩雞、芝士烤餅、印尼特色炒飯、鐵板烤羊、金槍魚沙律和芝士墨西哥粟米片，飲mango lassi和 一杯唔記得乜來。豬肋骨啲肉好乾，好似煲湯瘦肉，認真失色；咖哩雞不錯，少少辣，惹味；芝士烤餅唔太覺得有芝士味，但都幾好食，點咖哩；一向幾鍾意食印尼米，呢個印尼炒飯都幾好食，粒粒分明，有嚼頭；鐵板烤羊好有羊味，少少羶，yummy;金槍魚沙律啲菜好新鮮，金槍魚用芝麻包圍了周邊，不錯;粟米片趁熱食，拉到芝士絲㗎，好好味喔！飲品最正路揀mango lassi, 其他無咩想試，分別畫左smile和sad face，唔會太甜，不錯!事緣我地book左位都等左好耐，起碼30分鐘，原來記錯我同事電話號碼，搵唔到我同事，我地亦遲左5分鐘度，讓了枱比其他人，老闆不時更新等幾耐有位，安撫我地。食食下播生日歌，原來隔離大枱有人生日，端上蛋糕。我地高級同事係臨埋單時同老闆講我地果位同事生日想播生日歌，老闆幾識做，其實我地埋哂單想走
其實覺得佢地是同一老細，啲食物和格局一樣咁滯
叫左豬肋骨、咖哩雞、芝士烤餅、印尼特色炒飯、鐵板烤羊、金槍魚沙律和芝士墨西哥粟米片，飲mango lassi和 一杯唔記得乜來。
豬肋骨啲肉好乾，好似煲湯瘦肉，認真失色；咖哩雞不錯，少少辣，惹味；芝士烤餅唔太覺得有芝士味，但都幾好食，點咖哩；一向幾鍾意食印尼米，呢個印尼炒飯都幾好食，粒粒分明，有嚼頭；鐵板烤羊好有羊味，少少羶，yummy;金槍魚沙律啲菜好新鮮，金槍魚用芝麻包圍了周邊，不錯;粟米片趁熱食，拉到芝士絲㗎，好好味喔！
飲品最正路揀mango lassi, 其他無咩想試，分別畫左smile和sad face，唔會太甜，不錯!
事緣我地book左位都等左好耐，起碼30分鐘，原來記錯我同事電話號碼，搵唔到我同事，我地亦遲左5分鐘度，讓了枱比其他人，老闆不時更新等幾耐有位，安撫我地。
食食下播生日歌，原來隔離大枱有人生日，端上蛋糕。我地高級同事係臨埋單時同老闆講我地果位同事生日想播生日歌，老闆幾識做，其實我地埋哂單想走，佢叫我地等一陣，佢好忙碌，我地起初以為佢唔得閒招呼我地，佢搞左陣拎左個裝左5小杯酒嘅碟(免費飲酒)，寫住同事嘅名happy birthday, 非常nice嘅老闆喔！超讚!
張貼
