估唔到就黎夜晚12點，都仲有咁多野食舖開緊，甜品、飲品、壽司、炸物小食，應有盡有，實行食野自由😳
我同事就極力推薦餃子皇！現場都望到幾多人等緊，有外賣自取嘅，有等送外賣嘅，亦有堂食嘅人，咁即係代表咩啊？我要等咯
餃子都有好幾款，我自己揀左韭菜同粟米餃，反正雙拼唔洗加錢，無理由唔溝咁蠢架，我叫左一打44蚊，佢話50蚊比多2隻，咁好啦，齊頭數，唔洗收散銀😯
買完帶返屋企之後，d餃子仲係熱辣辣！皮依然薄脆，餡料好足，雖然我有食過更大隻嘅餃子，不過街坊小店，已經性價比超高。
粟米餃嘅粟米絕對唔會得幾粒，咬嘅時候有多到跌出黎，韭菜都唔差，菜肉比例適中，同時食到韭菜嘅香味，亦有鮮肉嘅質感，餃子碗底已經落左醋同菜脯，解膩之餘，竟然提升到食欲，等你食完一隻又一隻，難怪隔離寫埋菜脯幾錢一樽🤣🤣菜脯少辣但香口，仲有用豆豉調味，所以好香。
今次就齋買左餃子，下次再戰其他鋪頭先，壽司望落都可以一試😆
