太吉 (已結業)

一打開個日式趟門，店員雖然唔係用日文打招呼，亦唔係用日文餐牌，但店內設計再播放上當年我最鍾意嘅日劇主題曲，真係好有feel呀。可憐嘅我就俾A姐放咗飛機，一個人嚟到堅尼地城嘅太吉。日式冷豆腐清淡嘅豆腐配上木魚絲同豉油，豆味突出，豆腐好滑溜，作為頭盤相當唔錯。燒蘆荀燒得啱啱好，唔會燒到好乾，蘆荀新鮮爽脆，配上醬汁好好味。燒豚肉腩一層肥一層瘦，食落唔會肥膩，口感一流，好juicy呀！燒雞肝雞肝外脆內軟，肉質细嫩，口感沙，唔腥。自家製免治雞肉棒先將蛋黃同豉油撈勻，再將佢哋自家製嘅免治雞肉棒蘸嚟食，味道好夾！而雞肉棒入面加入咗雞軟骨，脆卜卜口感，又好有肉汁！慢煮牛舌牛舌份量好多，煮得好軟腍，仲有冬菇同好多蘿蔔，全部都煮得入晒味，好好味呀。清酒文蛤文蛤大大隻，好新鮮又好清甜，清酒經過煮熱後味道更加香濃，好好味呀。櫻花蝦豚肉卷飯團呢個櫻花蝦豚肉卷飯團好有驚喜，將櫻花蝦加入飯團，再用豚肉包住嚟燒，口感非常豐富。出羽鶴清酒嚟食居酒屋又點可以唔飲番杯清酒呢？呢杯出羽鶴係秋季限完，口感柔和，以微辛口收結。