喺銅鑼灣JP戲院。
因為時間唔多所以要搵一間比較近嘅餐廳。
當然都唔會放過試新野嘅機會啦。
又用openrice 幫一幫手先。
咦發現兩個Apps都有呢間餐廳喎。
仲要同時都有優惠添！
OpenRice就有一個特價套餐優惠。
好啦試咗用OpenRice個優惠先啦。感覺抵啲。
所以兩個人都係食同一個餐。
安格斯西冷牛扒配煎鵝肝。
一、龍蝦湯
首先嚟咗龍蝦湯。原先對個湯都冇乜期望因為諗住過嚟其實就係食牛扒。竟然又唔錯喎。個湯都幾香。 平時飲龍蝦湯， 傳統嘅整法都會有一陣苦澀味。 其實我麻麻哋呢一陣味。呢碗就啱啱好啦。冇苦味。
好快就飲晒。轉頭夥計行過嚟。問麵包到咗未。
先發現原來自己快到連個麵包都未黎個湯就已經飲完啦。
二、麵包
原本麵包唔應該專登開一個項目寫。 但係真係唔得。 有睇開我嘅食評嘅朋友都知道。 我對食物嘅溫度都會有要求。 你個包好得。熱架。出煙。辣手。新鮮
冇得輸啦。如果份量可以多啲。就會叫完美啦。
兩細塊。兩個人食。唯有少食多滋味啦，
傾咗一陣間計發覺就嚟夠鐘睇戲啦，吹吹個夥計先。
三、安格斯西冷牛扒配煎鵝肝。
因為比較鍾意食牛。
你放落嚟我已經大概知道好唔好食。
賣相似乎OK喎。
原本諗住特價餐$200應該唔會有啲咩驚喜。
真係估唔塊牛都幾好食。為咗客觀我有問吓朋友覺得點。佢話呢個價錢有呢個質素抵喎。
鵝肝就正常啦。 略為薄身左少少。不過都係果句啦， 呢個價錢我覺得真係抵
夥計都幾細心記得我哋趕時間。我哋一開始食牛扒嘅時候， 佢已經主動問我地會唔會想叫埋餐茶因為怕我哋趕時間。加分啦。
四、 個凍咖啡都幾好飲
五、甜品。兩舊細細的蛋糕。都好食㗎。如果比大舊少少會開心啲嘅
又講返個環境。
其實呢個鋪位之前都做過兩間餐廳。之前上嚟食都好靚。 生意麻麻地。今次上嚟就唔同啦。坐滿左。但都幾鍾意個環境，夠寬闊。
而且坐滿左都唔算好嘈。
我會再黎食其他扒。
不過我驚我忍唔住又係會揀返呢個優惠餐。
如果食其他套餐嘅話我見到佢外邊有個沙律吧。睇吓你地有冇興趣啦。
Tips:
1/ 用openrice book賺asiamiles 同可以食我呢個好味餐
