吉野家 (已結業)

一直都有食開吉野家下午茶，幾抵食，但今日無食早餐，實在太肚餓，落堂就去左吉野家食午餐。十一點半左右，店內都幾多人，點餐要排隊5分鐘左右。上菜速度都好快，話咁快就有得食。但我一望到個飯即刻灰左，同以前比好少菜！連個飯面都蓋唔哂。由於平時覺得個雞汁太鹹，所以叫左汁另上，同埋可以食到飯同其他配料既原味以及質素。雞肉煎得太焦，放入口既時侯只有焦味，唔係雞味，最後我要去哂啲雞皮先食，都叫做食得健康啲既。最後，成個飯最好食既只有佢既珍珠米。雖然個飯唔太好食，但都希望唔好浪費，食得唔好嘥！