吉豚屋吉列豬扒專門店 (已結業)

呢間都黎過好幾次，overall 都唔錯嘅，如果叫有汁果啲，又係炸物，我試過一次之後唔敢食，會成pat野咁。所以叫餐牌圖上無汁嘅豬扒果類就無得輸。每張台都會有豬扒汁同芝麻汁俾你隨便倒。野飲呢，叫過唔同嘅款，無一次係好飲的，一係甜得濟，一係淡得濟。大家都係食完再去7仔買野飲啦。（笑）講番今晚吃過嘅野，三樣都係主打豬扒，你話有無特別野呢？無架。另外個兩樣，用鐵板上，但味道好似連啲汁都係放台任倒嘅豬扒汁咁，係有泡菜果個有啲炮菜味mixed埋，所以有少少分別。（笑）想特別講下佢嘅炸物其實炸得好鬆脆，香口。（唔怕喉嚨痛呀 熱氣呀 ，可以試試）同埋 啲飯，佢用珍珠米，入口好Q彈，幾好吃。翻食指數： 6.5分／10分黎講。