吉列牛忌廉烏冬專門店 (百樂中心) (已結業)

最近疫情緩和關係，我同女朋友仔終於可以多啲出去食飯！今晚就決定嚟呢間人氣高企嘅日式餐廳一飽口腹之慾！餐廳將兩款招牌菜都擺上自己店名，當然就要試佢一試！吉列牛定食套餐 - 金黃色嘅吉列炸粉包裹住每一件牛肉，食客可以利用餐桌旁邊嘅石盅，在店員幫忙點火後，可以自行將牛肉放上去燒烤至自己喜歡的火喉。吉列牛表皮炸得酥脆，本身並沒有將牛肉燒至全熟，大約五成左右最能保持肉汁，吃落鮮嫰而且Juicy！再配上特製的白色醬汁，簡直一絕！咖哩忌廉牛肉烏冬 - 咖哩烏冬上邊是滿滿的 Cream！忌廉香滑咖哩味濃，兩者撈埋後中和咗咖哩嘅油膩，而烏冬本身煙韌不稔，再吸滿咖哩汁，真係滋味無窮！蒜片牛舌芯 - 牛舌爽口無酥味，配以蒜片十分香口。