影片
更多
2009-08-06
1 瀏覽
我已是第四次光顧，當晚好彩6:09到，雖然等位嘅人唔算多，但係都要等成半個鐘。終於入到去時，男朋友攞住餐牌猶豫咗好耐，事關從相中見到，每個餐嘅份量唔算多，佢驚唔飽。喺心大心細嘅情況下，終於選擇叫咗一個吉列豬扒拼炸蠔餐同埋一個吉列炸蝦餐。剛剛磨好芝麻，食物就送到。由於係share食，所以所有炸物都埋晒一碟到。最搶眼嘅莫過於係件吉列豬扒，因為真係炸到金黃色嘅。男朋友食第一口豬扒時，佢嘅眼神話比我知佢覺得好好食！因為豬扒新鮮，而且喺熱辣辣嘅情況下，食落件豬扒唔會實邦邦，好有豬扒味！配埋自己磨碎芝麻嘅醬汁，完全能夠帶出吉列豬扒嘅肉味。之後食炸蝦時，隻炸蝦size的確幾大，加上外層唔會有太多炸粉漿住漿住，薄薄哋唔會蓋過蝦嘅味道，而蝦本身就好鮮味，我哋兩個都好滿足。到試埋炸蠔時，嗰隻蠔好肥美，有口感，但係可惜每人只係可以得一隻……除咗呢啲主菜外，椰菜絲同飯係無限添加嘅，只要將啲柚子汁或者日式紫菜汁加落啲椰菜絲度，你就會不自覺咁食咗好多椰菜絲，原因係好醒胃，而且椰菜絲好fresh，喺一路食啲炸物嘅同時，可以靠食椰菜絲嚟緩和一吓，不致太漏。所有嘢都真係唔錯，唯獨主菜嘅份量真係唔太多，但係勝在可以靠椰菜
終於入到去時，男朋友攞住餐牌猶豫咗好耐，事關從相中見到，每個餐嘅份量唔算多，佢驚唔飽。
喺心大心細嘅情況下，終於選擇叫咗一個吉列豬扒拼炸蠔餐同埋一個吉列炸蝦餐。
剛剛磨好芝麻，食物就送到。
由於係share食，所以所有炸物都埋晒一碟到。最搶眼嘅莫過於係件吉列豬扒，因為真係炸到金黃色嘅。男朋友食第一口豬扒時，佢嘅眼神話比我知佢覺得好好食！因為豬扒新鮮，而且喺熱辣辣嘅情況下，食落件豬扒唔會實邦邦，好有豬扒味！配埋自己磨碎芝麻嘅醬汁，完全能夠帶出吉列豬扒嘅肉味。
之後食炸蝦時，隻炸蝦size的確幾大，加上外層唔會有太多炸粉漿住漿住，薄薄哋唔會蓋過蝦嘅味道，而蝦本身就好鮮味，我哋兩個都好滿足。
到試埋炸蠔時，嗰隻蠔好肥美，有口感，但係可惜每人只係可以得一隻……
除咗呢啲主菜外，椰菜絲同飯係無限添加嘅，只要將啲柚子汁或者日式紫菜汁加落啲椰菜絲度，你就會不自覺咁食咗好多椰菜絲，原因係好醒胃，而且椰菜絲好fresh，喺一路食啲炸物嘅同時，可以靠食椰菜絲嚟緩和一吓，不致太漏。
所有嘢都真係唔錯，唯獨主菜嘅份量真係唔太多，但係勝在可以靠椰菜絲同飯頂住個肚，所以都可以嘅。同埋到後期豬扒凍咗時，味道即刻差咗啲，所以都係唔好慢慢食。
張貼