印象中早幾年餐廳價位都偏高
估唔到轉咗新餐牌後性價比又幾合理
一如既往嘅日式風格
無論係裝飾定餐牌嘅設計都比食客返咗日本嘅感覺
47
午市定食 $88已經有一個有湯 有沙律 小食同主食嘅套餐
必試嘅甲羅燒
蟹蓋上除左滿滿嘅蟹膏
仲有海膽 蟹籽同奄春蛋等
有師傅專人為我哋燒
唔洗擔心唔熟識而過曬火候
甲羅燒一定要趁熱食
咸香鮮味單食有啲太惹味
配埋餅乾岩岩好
角切魚生定食 滿滿嘅魚生 仲有玉子燒
青瓜 薑片等
就咁食都好鮮甜
內裡嘅壽司飯係用咗赤醋
食落更香
值得一讚嘅茶碗蒸 內涵滿滿
食完甲羅燒回味無窮 所以追加咗一客磯燒帶子
味噌蟹膏肥美多汁
今次有冬菇青椒同帶子裙邊等配菜
撈埋一齊食好滿足
我哋午市入座
埋單人均消費都係$200要位左右
依個價錢食得高質 坐得舒服
而且有師傅照顧 親自出手燒
十分滿意
