麻酸樂米線專門店 (已結業)

連我都估唔到，今晚都要麻酸食多一餐。不過今次唔食麵啦，反而想食個扒餐。睇下個餐好唔好食先。是日所見，人都唔算太多。可能未到七點既緣故，所以個場都未坐爆。羅宋湯其實對紅湯已經死心，因為真係唔覺得會有幾好飲。不過真係估佢唔到，都算幾好飲。個湯唔會淡如水，而且仲有陣既香既蕃茄味。飲下飲下，仲feel都有小小辣椒仔既味道。而隨湯附送既牛角包香脆可口，食落真係唔錯。個包真係幾好食，最緊要既係新鮮出爐嘛。黑椒汁牛扒其實對呢個無乜期望，不過個牛扒既份量都算幾多。肉質都唔錯，食落唔會話好韌。用盡九牛二虎既牙力都食唔到，整體上都幾好食。以呢個價錢有咁既質素都已經算合格有餘。呢餐既配菜揀左薯條，薯條又係新鮮炸既。薯味好重，夠哂好食。而個黑椒汁既味道都唔錯，都算幾惹味既。其實呢餐都唔錯，都唔使四十蚊。而且個牛扒同成個餐都比我所預期既好食，已經無乜野可以挑剔啦。