影片
更多
2025-01-11
346 瀏覽
呢一間燒肉店好玩，可以食到4種燒法。 🍖1. 自己燒：呢樣基本嘢，但係叫唔同嘅牛，燒出唔同嘅味道，嗰種滿足感，每次都係咁高興。我哋叫嘅係牛五花同封門柳，五花充滿油香，肉質滑d，封門柳油花較少，肉味夠晒濃郁。 🍖2. 人地幫你燒定：和牛三文治就係呢種。4個立方體，排列成一個好靚嘅圖案，入邊嘅牛柳，外面係用油炸過嘅薄薄吉列外層，再外面係烘過嘅多士。吉列外層增加咗牛肉嘅口感，但係冇蓋過牛肉嘅味道，而呢次嘅牛肉相對比較厚，咬落入面嘅纖維同肉汁正正因為炸過外皮而非常完整咁保留喺牛肉入邊。再加上澱粉質本來就係炸物嘅最好朋友，個多士絕對唔係花瓶作用，大大帶出牛肉嘅香氣。 🍖3. 人地幫你即席燒：好特別嘅壽喜燒同埋燒原條手切牛脷，就加入咗呢種表演嘅元素。見住店員非常成熟咁去處理呢兩樣素材，你就知道一個好廚師嘅重要，同時亦都知道一個好餐廳係會喺賦予客人適當自由度之上加上幾分堅持。咁薄嘅牛肉壽喜燒，如果唔係佢快速處理，相信質量再高，只會暴殄天物。相反，咁好嘅牛脷，又切到一環一環咁樣，如果唔係佢幫手，掛住傾計，就唔可以喺最佳嘅時候進食。壽喜燒配合翻雞蛋同燒汁，仲有少許白飯，嗰種香濃嘅感覺，實在令人滿意。而牛
🍖1. 自己燒：呢樣基本嘢，但係叫唔同嘅牛，燒出唔同嘅味道，嗰種滿足感，每次都係咁高興。我哋叫嘅係牛五花同封門柳，五花充滿油香，肉質滑d，封門柳油花較少，肉味夠晒濃郁。
🍖2. 人地幫你燒定：和牛三文治就係呢種。4個立方體，排列成一個好靚嘅圖案，入邊嘅牛柳，外面係用油炸過嘅薄薄吉列外層，再外面係烘過嘅多士。吉列外層增加咗牛肉嘅口感，但係冇蓋過牛肉嘅味道，而呢次嘅牛肉相對比較厚，咬落入面嘅纖維同肉汁正正因為炸過外皮而非常完整咁保留喺牛肉入邊。再加上澱粉質本來就係炸物嘅最好朋友，個多士絕對唔係花瓶作用，大大帶出牛肉嘅香氣。
🍖3. 人地幫你即席燒：好特別嘅壽喜燒同埋燒原條手切牛脷，就加入咗呢種表演嘅元素。見住店員非常成熟咁去處理呢兩樣素材，你就知道一個好廚師嘅重要，同時亦都知道一個好餐廳係會喺賦予客人適當自由度之上加上幾分堅持。咁薄嘅牛肉壽喜燒，如果唔係佢快速處理，相信質量再高，只會暴殄天物。相反，咁好嘅牛脷，又切到一環一環咁樣，如果唔係佢幫手，掛住傾計，
就唔可以喺最佳嘅時候進食。壽喜燒配合翻雞蛋同燒汁，仲有少許白飯，嗰種香濃嘅感覺，實在令人滿意。而牛脷去到最後保持彈性，仲幾乎入口即溶，店員嘅手藝應建一功。
🍖4. 睇住隔離台燒：由於實在有好多種牛選擇，無論你點叫都食唔曬，但你只要將眼光放遠啲，由於座無虛席，其他枱你總會見到啲你想食但冇點嘅嘢。比如有個九宮格嘅燒肉combo。我哋繫好想食，但係食唔到咁多，不過睇住人地食，仲有個presentation，又係另一番賞心樂事。
原來9點後仲有59折優惠，等我聽日再嚟先得！
張貼
