影片
更多
2004-09-30
37 瀏覽
分開幾次黎買,終於試晒呢度咁多款芝士包。(1) 芝士包($12)—係一袋既一條大包,切成十片方包面已經見到一粒粒既車打芝士同烘既芝士,非常吸引!方包非常軟,而且每片都內藏大大粒既車打芝士,好有芝士味,芝士份量比心既車打芝士包多好多,不過唔知係咁岩定係袋袋都係,我個袋包既車打芝士偏埋左去左邊,右邊就無乜芝士。鍾意食芝士既,會覺得好好好好味!(2) 芝士軟心包($7)—唔明點解個名叫「軟心」,因為其實個心係一條硬實實車打芝士,個包幾長條芝士就有幾長(個包係長條形),所以每一啖都食到芝士,而且芝士有一定厚度,包同芝士既比例近乎一半半,所以好有芝士味,真係好正!雖然條芝士同delifrance 忌廉芝士軟包既芝士差唔多,但係呢個既芝士中條d,芝士份量比例又高d,仲平$0.5添!不過,包面有d香草味既粉,有少少影響左味道,如果唔加呢d粉就perfect!(3) 隻重芝士法包($9)—圓形法中間包開左個窿窿,一望已經見到好多半溶既粒粒車打芝士,雖然個包靭靭地,但係混雜左黑芝麻,都幾香,裡面既芝士都唔少,又係好好味!(4) 芝士丹麥香脆($7.5)—呢個一定要熱食!因為熱食先食到外脆內軟既感覺。所謂
(1) 芝士包($12)—係一袋既一條大包,切成十片方包面已經見到一粒粒既車打芝士同烘既芝士,非常吸引!方包非常軟,而且每片都內藏大大粒既車打芝士,好有芝士味,芝士份量比心既車打芝士包多好多,不過唔知係咁岩定係袋袋都係,我個袋包既車打芝士偏埋左去左邊,右邊就無乜芝士。鍾意食芝士既,會覺得好好好好味!
(2) 芝士軟心包($7)—唔明點解個名叫「軟心」,因為其實個心係一條硬實實車打芝士,個包幾長條芝士就有幾長(個包係長條形),所以每一啖都食到芝士,而且芝士有一定厚度,包同芝士既比例近乎一半半,所以好有芝士味,真係好正!雖然條芝士同delifrance 忌廉芝士軟包既芝士差唔多,但係呢個既芝士中條d,芝士份量比例又高d,仲平$0.5添!不過,包面有d香草味既粉,有少少影響左味道,如果唔加呢d粉就perfect!
(3) 隻重芝士法包($9)—圓形法中間包開左個窿窿,一望已經見到好多半溶既粒粒車打芝士,雖然個包靭靭地,但係混雜左黑芝麻,都幾香,裡面既芝士都唔少,又係好好味!
(4) 芝士丹麥香脆($7.5)—呢個一定要熱食!因為熱食先食到外脆內軟既感覺。所謂香脆,其實就係包面上一粒粒既地方,新鮮出爐既時候好脆,包心係軟軟既忌廉芝士,好有芝士味,不過因為忌廉芝士放係包心且呈球形,唔係咁勻,有包邊無乜芝士包心好多芝士既情況出現。雖然新鮮同等耐左食,包面分別好大(因為等耐左就完全唔脆),但係我試過放左一日先食,都覺得好味既。
(5) 藍莓忌廉芝士包($8)—我唔係咁鍾意呢個,因為睇個名估唔到有咁多合桃!我唔太喜歡合桃,但係個包混雜左幾多大大粒既合桃,蓋過左芝士味,平均兩啖都可以食到一粒!包心係忌廉芝士同藍莓醬,都ok,但係個包就比較硬,唔係咁食!同聖雅多既藍莓忌廉芝士包差好遠!仲要貴d添喎!
(6) 一口芝士小食($2.5)—四球買會平d,$9就得。好普通,同聖雅多/山崎既葡式芝士球,beckenheim既麻薯球,麵包廊既QQ波之類差唔多,無乜特別。
(7) 迷你北海道包(意大利芝士)($7.5)—極度唔推介!係一個咖啡味既甜包,質感仲有少少似蛋糕!宣傳話包餡係tiramisu cream,但係唔好味,非常creamy,只有好少芝士味(或者係俾包既咖啡味蓋過左),但係好多cream,幾乎佔晒成個包,食完有d 漏,同埋唔會令人回味無窮,一定唔會再食!
張貼