Jack's Terrazza Ristorante (已搬遷) 新店位置

前幾晚男朋友同我去果度食飯慶祝生日,坦白說食物選擇不算太多,但情調好好,唯一美中不足係坐唔到"搖搖梳化" (去到你就會明!)最後我們點了set dinner for 2,食物包括有餐包、2客凱撒沙律、辣肉腸比薩、海鮮拼盤、錦繡拼盤、2客tiramisu 加咖啡或茶雖然唔係a la carte ,但各樣食物水準都幾平均,麵包新鮮,唔知係咪自家出品；平日我唔鍾意食沙律,但佢地做的dressing 幾好味,唔覺唔覺就食哂；比薩皮薄餡正又夠脆(多d OLIVE 仲好!)；海鮮有墨魚,帶子同大蝦用料夠新鮮；錦繡拼盤呢...我個人就唔係咁欣賞,認為太"肉",男仔可能喜歡,有羊小排,大雜肉腸,牛柳同一堆mashed potato,最弊重係我地都唔係咁食羊(最後我試下閉氣食羊,其實又做得ok喎,唔騷之餘十分嫩滑)；tiramisu簡直無得頂,超好味! 餐廳的SERVICE好,不停有人在適當時候出現為你添水,加PEPPER加MUSTARD...當晚適逢放煙花，客人好多,反正唔駛你召喚佢,佢會自動識做野,服務員都算好細心架喇! 埋單(連加一)約三百三十多元,成?飯令我地食得舒服,服務亦令人稱心滿意,下次想