潮州鹵漢大飯店 (已結業)

呢個豬手作為開胃菜都幾出色。豬肉夠入味，望落好似好辣，但實際係麻香而不辣，醬汁帶微酸令人十分開胃。我地到人好似叫咗好幾round，我甚至留起啲汁嚟蘸牛肉。海鮮都算出色的一項，貝殼類鮮甜不在話下，而且粒粒飽滿多肉，實在令人滿足。鮮蝦肉質緊實爽口，雖不及貝類鮮甜，但同其他火鍋店比算上乘。海鮮我地都叫咗幾round，幾round後湯底都帶有濃濃嘅海鮮味。湯底都係一致好評。沙爹味道十分濃郁，帶有粒粒花生碎。而最欣賞嘅係隔離嘅辣湯底，同之前嘅豬手一樣，香氣濃郁又多層次，同時又不會辣到冇辦法是到食材的味道，我雖然唔係太食得辣，但係都試咗幾次麻辣湯底。上面咁多嘢都表現出色，但偏偏！！但偏偏佢嘅肉類，令我地覺得瑜不掩瑕。佢地嘅肉類實在切得太薄，根本連夾起來都成問題。就算你好彩夾到放入鍋中煮熟，入口都完全食唔到唔同肉類之間嘅分別，只會覺得有一啲肉類係口入面咬咬下。可能係我地愚鈍，食到中途才發現原來一碟五片肉，要同時夾起在煮熟嘅夠份量，但唔同肉之間嘅差別依然難以分辨。如果願意改善肉類切得太薄的問題，我十分願意再次光顧！