The Point - Pizza & Pasta (將軍澳中心) (已結業)

今日去左將軍澳行街，午餐約左mama食飯！佢好鐘意食西餐，特別鐘意食pizza，我地就去左The Point！將軍澳新分店，環境好大好靚，比其他分店人流少啲，多一份寧靜！我地先叫一杯mocktails，由士多啤梨和雲喱拿雪糕組成既飲品，入口香甜士多啤梨香味，加上幼滑雪糕，味道濃郁香滑，冰感重，好清熱！烤南瓜黑松露沙律，大大件南瓜，伴上黑松露醬，菌味重又濃郁，而且南瓜好香甜呀！醋汁沙律夠哂開胃！pizza叫左Forest，有野菌、烤薯仔片、火箭菜、蒜頭和黑松露忌廉醬等等，vegetarian pizza，味道完全唔單調，菌味重又濃，入口好香好滋味，芝士拉絲度極高，批底香脆夠薄唔膩！pasta叫左香草蕃茄醬海鮮意粉，蕃茄味道濃香，意粉掛上濃濃醬汁，加上豐富海鮮，有青口、蜆、大虎蝦、三文魚和魷魚，賣相又靚好吸引呀！媽媽食得好開心！