打鑊甘火鍋串燒 (已結業)

今晚舊同學帶我去打鑊甘！哈哈！打邊爐至真！兩個人撐枱腳，吃特式牛肉，飲健康蕃茄濃湯。位置自成一角，位於一端，一般街市大樓的格局，冇咩點。邊爐湯底百零蚊，價錢合理。突然想飲蕃茄湯，所以點了這個豬軟骨蕃茄濃湯，先飲兩碗暖暖身，裏面有好多豬骨可以食。有限量牛相連，梗係要點，手快有手快冇，好特別好爽，記得只需灼8秒！另點特級本地手切肥牛，即係牛頸脊及抓邊，非一般口感，很正呀！牛筋丸、手打蝦丸雙拼，有水準。打邊爐又唔可以冇啤酒，嘉士伯大啤樽裝，$28/支，唔貴。飲飲下啤酒見到原來有串燒，仲有啲位，又試吓，燒牛舌心及燒白鱔各一串二人分，有幾真係得喎，味道好肉質靚，下次來可以食多啲串燒。