阿珠嬤 (已結業)

朋友知道我喜愛吃台灣菜，昨晚就帶了我去西環食台灣菜。「阿珠嬤」聽到餐廳名，仲以為是吃韓國菜的，後來才知道是食台灣菜。來到當然要試下攞過獎項之一嘅極品創意蕃茄牛肉陽春麵。濃濃嘅蕃茄湯底，牛肉軟腍，唔會煮得太老。麵身非常有嚼勁。相當有水準。小食我地點左冰烤蕃薯，依個係我第一次食嘅台灣小食。綿綿質感嘅蕃薯配上冰涼口感，感覺非常特別。另外點了每次必點嘅黑橋牌香腸，外皮煎得香口帶點脆，夾住蒜片一齊香腸食。肉腸味更為突出 。飲品我地點了黑糖珍珠鮮奶，奶味濃郁，珍珠煙韌好食。我地點了半糖，唔會太甜，岩岩好。另外不得不推介就係 青梅綠茶。成杯入面都係濃濃嘅青梅蓉，酸酸甜甜，十分開胃。