泰味村泰國菜館 (已結業)

泰菜中，我最喜歡呢間。原因好難講，是很多因素，一來佢位於屯門，二來佢位置特別，有好多掛燈裝飾，一年365日都像聖誕節般美麗，三來佢食物都真係好味，四來老闆娘及侍應都好nice。首先講冬蔭公，泰味村認真足料，雖然辣道不是人人可以接受，但真正的泰菜本來就是辣得很，不像港式口味泰菜，仲要分大、中、中小、小，甚至無辣泰菜。兩個人，要個小的就足夠。泰味村蜆肉：用陶器上，一定要食，保證你別處吃不到；牛油焗蜆肉仲要送你烘麵包伴吃，上枱熱烘烘的蜆肉，包你吃一個不夠！咸肉炒椰菜苗：椰菜苗好特別，話就話係苗但其實像極芥蘭(因為是泰國椰菜)，馬拉盞炒及咸肉炒均好味！燒海鮮，尤以燒蟹一流，會是時價(一般$250一隻左右)，不過老闆娘童叟無欺，不會給你揀隻臭蟹燒給你吃，燒起來以為無味，但食落又確是鮮甜無比。咖喱炒什麼都好，如果不怕失儀態，咁揀咖喱蟹，一定冇失望。汁多到可以送飯。泰味村的炒飯及炒粉都好，有水準之作，如果無飯不歡的可叫個炒飯來吃。不得不提，客人一入座，侍應即會送上一碗蝦片，好好味同幾大碗(真會吃飽你！)，不要只吃蝦片，不然吃飽了就無法享受將到的美食！