新南苑私房菜火鍋鷄煲 (海德中心) (已結業)

好耐冇食雞煲同打邊爐，近近哋去咗灣仔食雞煲。 有雞煲食又可以打埋邊爐，仲係放題啱曬我。環境好似重返校園，有唔同課室，體育美術......食用器皿醬料整潔。以人頭計，有個酥炸鮑魚，鮑魚爽口彈牙，唔油膩。招牌麻辣雞煲 (小辣)因為有店員同我哋全天候炒個雞煲，所以啲雞肉好嫩口，加入個特別嘅油炸鬼，真係好棧鬼! 而且份量都幾多。 兩個人剩食雞煲已經覺得飽，不過個火煱有個好吸引的海鮮拼盤，所以我留左肚食。新鮮蟹窩花甲湯底隻蟹都好大隻，而且有一隻好可愛嘅小豬，原來係由南瓜蓉製成。海鮮加埋南瓜豬骨湯底，健康又美味。生猛海鮮拼盤帶子、蝦、蟹、蠔、花甲都好新鮮甜美， 花膠筒好彈牙。蔬菜盤翠翠綠綠，爽口甜美。本地手切牛頸脊，唔會有筋，亦都唔會黐牙，肉質軟腍。有heart甜品就係牛乳一杯，口感都幾滑。食完個雞煲再食埋個火鍋，個肚都冇幾多空間剩呀! 叫唔到其他火鍋配料，亦都唔可以任飲 果汁、汽水或涼茶喇! 只係好簡單揀咗一款lime soda。