凱薈

📢酒樓飲茶🫖都要搞搞「噱頭」先至有得發圍，試咗呢間在 網上平台購買嘅飲茶放題優惠，果然係成功嘅策略，全場座無虛席，人山人海，當然一定要先購票 。
.
📢有多款美食放在美食區任由食客自取，包括糖水、冷盤、小炒餸菜、餐前小吃、煎炸美點，絕對係包羅萬有。仲有主題賣點嘅灌湯餃🥟同片皮鴨🦆，加埋幾十款嘅即叫即蒸各款點心同腸粉，數之不盡，要有大大胃口先可以食得晒所有。質素就係普通水準預期之中，勝在咩都可以試吓又唔貴，一定飽住肚滿足離開 。