玉壺堂 (已結業)

今日喺灣仔呢一邊行街，行到咁上下就覺得好熱，打算買杯珍珠奶茶試吓，見到呢一間餐廳咁啱試業，就決定試吓！呢一間珍珠奶茶位於灣仔大王東街，囍帖街出口好近就可以去到！今日我哋就叫咗鐵觀音芝芝奶蓋加小芋圓！呢一杯嘅茶味非常出，而且加埋芝士奶蓋非常好飲，亦都唔會做到好甜，個人嚟講唔係好鍾意太甜嘅口味，呢間珍珠奶茶舖做得幾好！再加埋佢自製嘅小芋圓，每一粒都做得煙煙韌韌嘅感覺，好正！下次會再嚟試吓唔同嘅飲品！價錢亦都合理，唔會太貴！