阿木台灣生活百貨 (已結業)

原來阿木開左間生活百貨，入面有好多台灣食品賣，基本上都係台灣製造㗎😌是日試左三樣野，阿木剝皮辣椒鮮肉餃、阿木蚵仔煎、阿木黑白切。🦪阿木蚵仔煎已經熟㗎啦，只需要拆開包裝張蚵仔煎加熱，之後再淋上醬汁就食得，十分方便。我呢啲懶人直接放入光波爐加熱，連鑊都懶開，哈哈😆蚵仔煎嘅蚵仔唔少，入面仲真係有條生菜添，完美還原。醬汁略微偏甜，加埋阿木個手工辣椒醬啱晒。🥟阿木剝皮辣椒鮮肉餃雖然係冰鮮餃子，但啲餃子皮無爆，蒸起上黎仲好煙韌，餡料鮮味，有少少辣椒帶點刺激感，大大隻，隻隻飽滿㗎😋🍢阿木黑白切呢樣係店員推介嘅台灣小吃，唔使加熱，解凍就可以食了，內邊有五花腩、豬肺、豬大腸、台灣腸等，仲附上兩包醬汁。不過近日天氣轉涼，個人都係覺得略略加熱更好味。店內仲有好多台灣飲品、蛋糕等，可以係實體店買，又可以從網站落單送貨，好方便㗎。