燈籠滷味 (朗豪坊)

營業中

休息中

疫情持續一年多，冇得去香港人最愛嘅台灣暴飲暴食。突然間懷念台灣傳統風味，特登去咗旺角朗豪坊分店喺香港食下正宗台灣滷味同最愛既蛋餅，一解思鄉情懷。假日中午時間去幫襯就預咗一定會排隊，意外地條龍郁得好快，職員手腳非常迅速，排咗大概15分鐘職員已經叫我哋準備入座。入面位置尚算寬躺，嚟咗朗豪坊梗係要食盡佢，就叫咗豪豪吃二人套餐，再加自己最愛嘅蔥抓蛋餅。1. 板橋夜市蚵仔酥 ❤️蚵仔煎就食得多蚵仔酥就食得少，其實就係柯仔包上一層薄薄嘅醬，然後就去炸。可惜就係柯仔略嫌太細粒冇乜肉食到。2.古早滷肉飯❤️❤️肉操飯係食台灣嘅必叫嘅單品，老玉肥瘦均勻白飯粒粒分明，搬埋一齊食非常香口，就算係女仔食下食下都好快食晒一碗。注意即使係寫明細碗，但其實滷肉飯嘅份量都非常足夠。3. 招牌燈籠滷味❤️❤️❤️招牌燈籠老味又點會令大家失望呢，首先一上枱份量已經嚇我哋一跳，因為寫明係二人餐，但係其實個份量夠三至四個人食，我同友人仲擔心王子面太細份而加左底，所以最後係食唔晒嫁！當中豬耳朵爽口，甜不辣煙韌，百葉豆腐滷得非常入味令人有驚喜。4. 爆醬蔥抓蛋餅芋泥肉鬆❤️❤️❤️❤️全日最有記憶點嘅就係芋泥肉鬆蛋餅，芋泥嘅甜同肉鬆嘅鹹配搭得非常好