影片
更多
2021-05-27
84 瀏覽
呢間台灣過江龍一直都係喺我to-eat-list上面，但係旺角對我來講唔係太就腳，難得今日出開旺角做嘢，當然要去幫襯下啦！我同朋友兩個人，嗌左一個二人豪食套餐，套餐包咗一個滷味加麵，兩個小食同兩個嘢飲。套餐嘅滷味冇得改，我哋想食大豬同豆皮就另外加咗。套餐一上枱有少少嚇親，因為超大碗🤣 入面嘅蹄膀係膊頭肉，係瘦肉加帶肥膏嘅皮，呢個意外地幾好食，肉嘅部分好腍，皮就好彈牙；我最愛嘅甜不辣同椰菜都有好多🤩 兩樣都切到一口size好易食；大腸超腍超入味，呢個係必食！王子麵嘅份量又係超多，呢度嘅滷味唔會太濃味，配搭王子麵啱啱好，食到最後都唔會口渴或者覺得太咸👍🏻小食我哋揀咗蚵仔酥同滷肉飯。蚵仔酥係即叫即炸，上枱嘅時候熱辣辣，非常酥脆，調味方面我比較重口味就覺得可以重手啲，朋友就覺得啱啱好。滷肉飯嘅飯粒煲得啱啱好，保持都珍珠米有少少黏性但一粒粒嘅口感，滷肉方面係比較甜，豬肉肥瘦相間，幾啱我口味😋 可惜食到最後有少少唔夠汁，如果可以俾多少少就好啦😆野飲我嗌咗茉香奶綠加珍珠走糖，珍珠有咬口，用咗黑糖煮，唔加糖都夠甜，幾好飲。餐廳嘅裝修好特別，牆上面擺咗好多台灣嘅招牌，黎食飯嘅朋友除咗食野之外記住要打卡啦
我同朋友兩個人，嗌左一個二人豪食套餐，套餐包咗一個滷味加麵，兩個小食同兩個嘢飲。套餐嘅滷味冇得改，我哋想食大豬同豆皮就另外加咗。
套餐一上枱有少少嚇親，因為超大碗🤣 入面嘅蹄膀係膊頭肉，係瘦肉加帶肥膏嘅皮，呢個意外地幾好食，肉嘅部分好腍，皮就好彈牙；我最愛嘅甜不辣同椰菜都有好多🤩 兩樣都切到一口size好易食；大腸超腍超入味，呢個係必食！王子麵嘅份量又係超多，呢度嘅滷味唔會太濃味，配搭王子麵啱啱好，食到最後都唔會口渴或者覺得太咸👍🏻
小食我哋揀咗蚵仔酥同滷肉飯。蚵仔酥係即叫即炸，上枱嘅時候熱辣辣，非常酥脆，調味方面我比較重口味就覺得可以重手啲，朋友就覺得啱啱好。
滷肉飯嘅飯粒煲得啱啱好，保持都珍珠米有少少黏性但一粒粒嘅口感，滷肉方面係比較甜，豬肉肥瘦相間，幾啱我口味😋 可惜食到最後有少少唔夠汁，如果可以俾多少少就好啦😆
野飲我嗌咗茉香奶綠加珍珠走糖，珍珠有咬口，用咗黑糖煮，唔加糖都夠甜，幾好飲。
餐廳嘅裝修好特別，牆上面擺咗好多台灣嘅招牌，黎食飯嘅朋友除咗食野之外記住要打卡啦😆
張貼
